Ibu-ibu Perkasa taun 1800an nu Nurunkeun para Kyai sabudeureun Ciamis

 Ibu-ibu perkasa nu nurunkeun para Kyai Sabudeureun Ciamis tahun 1800 an (Kang Dadang Gani)

Kapungkur, nuju sajaman sareng Raden Aria Kusumadiningrat taun sarebu dalapanratus aya para Ibu, nu marantenna sapertosna sering ngadoa mundut kanu Agung hoyong aya ti turunana sirung pinunjul nu bakal nanjung nu nguatkeun cahaya Islam. Kapalihdieunakeun eta doa buktos. Sirung teh tumuwuh malihanmah tos maparin manfaat reng tos sirungan deui wae teras-terasan.

Kahiji, Siti Maimunah Sa’adah ditikah ku KH Abdul Ghani putra Abdul Kahfi Hasani (pami teu lepat), teras kagungan putri Jenenganna Eyang moja puputra KH Hayat nu nikah ka Hj Fatmah puputra KH Muhammad Siradj Cijantung (l. 1910) teras ngalahirkeun mangpirang pirang pasantren Arrislah, Cijantung palihan Banjarsari jrrd

Kadua, Eyang Mudainten nu ditikah ku Eyang Haji Yusuf puputra salasawiosna H. Sujai nikah ka siti Murnata teras puputra salahsawiosna H. Sulaiman Kurdi (pasantren Miftahul Khoer Pasirkadu) teras ngalahirkeun sababaraha pasantren sareng seueur kyai.

Katilu, Eyang Uyut Arnaningsih nu ditikah ku KH Raden Husen kagungan putra 8, dua diantarana kyai masyhur nyaeta putra katilu nyaeta KH Bustomi anu turunanna ngadegkeun seueur pasantren, oge putrana anu ka genep nyaeta kH Ahmad Bandaniji nu nikah sareng Ny. Inah nu ngadegkeun pasantren Darul Ulum Petir. Haji Bustami nikah ka Nyai Mar’ah kagungan putra tujuh diantawisna putra nu masyhur nyaeta putra kadua nyaeta Mama Kyai Sukaeji anu ngadegkeun pasanten al Huda Turalak kagungan putra nu masyhur KH Sofyan ngadegkeun pasantren Darul Falah, KH Aliyul Khawas al Huda Turalak (nu praputrana seueur ngadegkeun pasantren. Putra nu kalima KH Bustomi, nyambung ka pasantren Cijantung margi Nyai Empat Patimah ditikah ku Mama Syarifudin, putra kagenepna Nyai Edoh kagungan putra nu ngadegkeun pasantren Banyulana. Putra nu bungsu KH Bustami mah nyambung ka Unigal, Gegempalan, Paseh jrrd.

Kaopat, Eyang Uyut Masitoh kagungan putra H. Abdul Jalal puputra KH Ahmad Husni Fadlil (1908) Puputrea KH Irfan Hielmy (1930-2010) anu neraskeun Pasantren Cidewa Darussalam tea, anu ngalahirkeun mangpirang-pirang pasantren ti para alumnina.

Kalima, Raden Siti Zaenab binti Mama Faqih Kadu Bengkung Lumbung ditikah ku KH Muhammad Nawawi kagungan Putra Raden Mama Abdullah Rajadesa anu turunanna ngalahirkeun belasan Pasantren di sabudeureun Rajadesa Ciamis. paraputu KH Raden Abdullah ngadegkeun pasantren2, aya Manhajul Ulum Nusa, Alfalah Jagamulya, Al Muawanah, Cigoong, Mukhtarul Ulum Cijeruk, jrrd

Artikel Terkait Kajian Pendidikan Islam